Deli and Wine (Closed)

本來想去太空館睇野，點知場場都爆哂。咁唯有周圍行下啦。行行見到哩間餐廳，入面環境都幾好，咁就入去食一個下午茶啦。入到去超多人，都要一陣先搵到位。下午茶餐牌都好多款式。我地揀左兩個餐。西多士同牛肉漢堡啦。估唔到咁平都咁好服務。叫完餐會有個號碼牌，放係台上面啲職員就會送餐去你道。不過真係辛苦哂啲員工要全間鋪咁搵啲野食既主人牛肉漢堡送到黎好有驚喜，係粗薯條呀！包同薯條都熱辣辣! 以咁既價錢冇得輸啦!!不過見到隔離枱叫既魚堡好似仲正呀西多士真係熱到牛油都熱熔哂，炸野加糖漿真係好好食，不過糖漿係佢幫我一早落左，冇得再加我好鍾意食糖漿架嘛。飲品叫左熱檸茶，正正常常咁。