第一蠔粉麵 (Closed)

太子就成日都經過，每一次經過都會見到呢一間食金蠔嘅米線，每一次都係好多人，尋日終於有機會可以入到去坐低嗌左一碗金蠔台式麵。記住啦各位係台式麵唔係台式麵線，佢個感覺好似幼烏冬咁樣嘅，都唔差，幾彈牙！最好食就係個金蠔，佢煎得啱啱好，非常之入味，老實講我覺得佢配生菜或者佢攞生菜夾住嚟食都應該已經好好味，另外再嗌左一碗普通嘅生蠔米線，份量比金蠔多，但係點樣都唔及個金蠔好食，因為幾乎全部人入去都係嗌金豪蠔，分量有限，所以隔離枱佢叫咗一碗金豪米線，佢都要等咗一陣，所以如果大家去食嘅時候你要預充足嘅時間，不過真係值得去食，而且老闆娘非常之好人，服務態度好好，淨係呢一樣嘢我已經足夠會再去。