海街丼 (東港城)

Open Now

Now Closed

💚海街丼💙每一份都係set嚟，都會配有味噌湯+蕃茄+野飲。小編幾鐘意食佢個蕃茄，酸酸甜甜，幾開胃。滑蛋豬扒飯 $80份量好足。豬扒都算嫩滑，而且都大塊，外脆內軟。但個汁可以就稍微咸咗啲，就算撈哂飯都有啲咸。豚肉生薑燒丼 $85呢個會再附送一隻生雞蛋，俾你撈埋一齊食。豚肉片好多，唔會因為煮太耐而變得好韌，味道啱啱好。鰻魚飯 $125鰻魚size正常，而且都算新鮮。不過汁可能要多返少少，因為唔夠撈埋飯😂海寶丼$115呢個係最快上。就正正常常，唔差，冇乜特別，但配料都算多，份量都係正常。薯仔沙律 $38呢個薯仔蓉沙律幾好食，好滑。佢除咗薯仔蓉之外，仲加咗唔少青瓜魚蛋等，增加口感。份量細細，啱哂做前菜，甚至係胃口好細/未餓但又想食野嘅朋友。炸油甘魚粒 $60一個字：腥。炸到外脆內軟，仲見到有少少油係魚肉中間，都新鮮。但就真係好腥，不過食呢類魚應該係預咗？小編就唔識欣賞。呢間鋪係完全冇任何麵類，只有唔同類型嘅丼，所以唔鐘意食飯嘅朋友就要諗清楚。但整體係可以再幫襯嘅，平時同屋企人食飯唔想食得太cheap，想試吓新野，就好岩嚟呢度。