The Vigor (水渠道) (Closed)

每日收工經過太子水渠道,都見到The Vigor 呢間餐廳好多人排隊, 佢呢度全部出品,都係即叫即做,保證新鮮熱辣辣,🤣如果唔想企喺度等,最貼心就係可以😍whatsapp預早落單,今日我就特登whatsapp落單收工行過去攞,真係非常方便。黑松露鮮蝦帶子炒意粉,☺️份量都好多,而且材料都好豐富,鮮蝦size都算大隻,而且蝦肉結實,爽口彈牙味道新鮮,帶子size就一般,味道都新鮮,最欣賞就係意粉,可能加咗橄欖油,炒出嚟嘅意粉味道好香,而且充滿黑松露嘅香味,海鮮配搭埋黑松露味道真係好夾。炸雞髀siza好大,😁外面到好香脆,一啖咬落去真係食到啖啖肉,加上醃得好入味,味道又香而入面嘅雞肉仲係好嫩滑, 多汁。司華力腸片,☺️煎香咗嘅司華力腸多咗一份焦香味,口感都算唔錯,最欣賞就係加咗啲芝麻,好味。炸花枝丸,☺️花枝丸炸到好香脆,入口外脆內熱,口感爽口彈牙,非常香口三文魚沙律牛角包，返到屋企仲係熱辣辣，三文魚嘅份量非常多，夠晒鮮甜，沙律蛋香重，連埋牛角包一齊食真係好好味😋呢間餐廳專係做外賣,可能係即叫即做嘅關係,返屋企都仲係熱辣辣,最欣賞就係可以whatsapp落單又方便又需要等待,好值得推介一下❤️