彩龍茶樓

Open Now

Now Closed

通常舊式既茶樓都好有驚喜，仲可以保留到依家既實力一定有返咁上下，依度同平時一般酒樓飲茶唔同，佢係全自助既形式，由攞位 拎茶壺 拎茶葉 到沖茶 拎點心都全部係自己一腳踢。幾得意既係咁杯茶要飲幾濃幾淡都係由自己話事岀去拎點心，放點心區既位置有好多熱辣辣既點心俾你揀，即叫即拉既布拉腸粉、懷舊點心、一盎盎既飯同埋自家種既西洋菜等等即叫即炸既鯪魚球係我食過最滿意既鯪魚球，大大粒好彈牙配埋蜆蚧汁去增添鮮味，平時既蜆蚧醬會死鹹但依度既唔會，味道仲岩岩好最估唔到既係有沙翁同埋豆腐花食，平時既酒樓邊有嫁！新鮮即炸既大大粒沙翁，每粒都有濃濃既蛋香味，熱辣辣新鮮岩岩炸好，咬落仲食得到個層次外面酥脆入面軟綿綿，個漿較得好好，好邪惡但又令人好想食在懷舊熱搜榜中，烏卒卒的菲林卷（芝麻卷）必定榜上有名。整芝麻卷的材料，不外乎黑白芝麻、馬蹄粉、糖等，看起來沒什麼特別亦0難度般的製作，但要做出入口軟滑、煙韌、充滿芝麻香的糕品，一點不易。而依度既出品雖說不上完美但入口亦合格好耐冇食過真材實料既點心，根本同平時食品工廠既冇得比，如果唔係今次一大班人黎，邊試到咁多款，仲記得以前我地好中意掃餐牌，冇諗過連飲茶食點心都可以做到。