博多拉麵別天神 (Closed)

尖沙咀有大把食日本野既舖頭，要揀有時都會眼花撩亂，別天神既外觀就似足日本街頭見到既拉麵店，好容易就吸引到行人既目光🎏除左舖頭裝修似足日本，入面點餐都有日本既影子，就係要自己係機自動販賣機買飛，再比張飛拉麵師傅整，咁耐冇得去日本都叫做過下手癮🤣今日舖頭唔算多人，都可以揀位坐，坐底就自己自助拎定餐具同針水飲，過左陣拉麵就到啦😋呢度拉麵款式唔多，我叫左個蝦味噌豚骨湯麵另加玉子，個湯底好濃好重豚骨味，係出面較少食到既味。麵質口感十足，份量正常。個义燒都幾入味，粟米即使係配料，但都有一大堆。同埋如果嫌唔夠重口味，仲可以自己加蒜，所以話成個體驗都好似日本食咁👍