Video
Read full review
2017-04-04
745 views
又係一個人搵食嘅時間，去到荔枝角，見工作地點樓下有間無舖頭名嘅日食店，抱住一試嘅心態，一坐低，打開個餐單，有驚喜，竟然有「汁煮三文魚頭定食」，難得，作為一個牛脷fans，第二最愛就係魚，特別係魚頭，竟然lunch有得食，正，即叫。問題嚟喇，落單嘅經理，似乎在暗示我下次唔好嚟咁，毫無表情，問多句都嫌煩，我心諗唔通唔歡迎我地呢孤獨客，偷偷咁望下其他枱，原來個經理都幾公道，對枱枱都係咁，咁佢都幾一致，像叫大家明天唔好再嚟一樣。不過我安慰自己，香港好多好食又出名嘅食肆一樣食物好，但服務就....咪一樣咁多人，香港人接受程度好高嘅。正，魚頭嚟喇，好在像好多服務和食物質素不相稱的食肆一樣，個魚頭嚟到賣相真係唔錯，斬件上，仲跟件魚鰭，正，由於係汁煮，所以唔似油炸咁油，可惜的是自己食慣淡口嘢，呢個汁對於我嚟講咸左啲，我要隔起哂佢地嚟食，不過魚頭同魚鰭都煮得好滑，無叫錯。又係有得添飯，滿足，估佢唔到嘅係食日式定食，竟然跟餐飲，飲埋杯熱檸茶，完滿。埋單，個經理依然咁cool，好一致，亦知道佢唔係針對我，都係拿拿聲俾埋錢，返工去也。下次仲嚟唔嚟？你話呢？
問題嚟喇，落單嘅經理，似乎在暗示我下次唔好嚟咁，毫無表情，問多句都嫌煩，我心諗唔通唔歡迎我地呢孤獨客，偷偷咁望下其他枱，原來個經理都幾公道，對枱枱都係咁，咁佢都幾一致，像叫大家明天唔好再嚟一樣。
不過我安慰自己，香港好多好食又出名嘅食肆一樣食物好，但服務就....咪一樣咁多人，香港人接受程度好高嘅。
正，魚頭嚟喇，好在像好多服務和食物質素不相稱的食肆一樣，個魚頭嚟到賣相真係唔錯，斬件上，仲跟件魚鰭，正，由於係汁煮，所以唔似油炸咁油，可惜的是自己食慣淡口嘢，呢個汁對於我嚟講咸左啲，我要隔起哂佢地嚟食，不過魚頭同魚鰭都煮得好滑，無叫錯。
又係有得添飯，滿足，估佢唔到嘅係食日式定食，竟然跟餐飲，飲埋杯熱檸茶，完滿。
埋單，個經理依然咁cool，好一致，亦知道佢唔係針對我，都係拿拿聲俾埋錢，返工去也。下次仲嚟唔嚟？你話呢？
Post
