蠔灘 (Closed)

呢間餐廳離遠都見到佢嘅巨大招牌，但就見唔到餐廳嘅面貌，好神秘，皆因要經過招牌隔離條樓梯才到達，私人度極高。南非蠔 $120/盤 (12隻)當晚主角當然係「蠔」啦，每晚嘅品種都唔一樣，今晚剛好是南非蠔，是我喜愛蠔嘅產地。果然，味帶甜甜地，沒有鐵鏽味，啱我心水。意式焗肉丸 $98一上枱以為係焗飯，因為份量大唔似係前菜size，而且有濃濃嘅醬汁同芝士焗面，配菜亦不少如蘑菇、紅椒、洋蔥等，相當有誠意。不得不讚呢道菜是相當熱辣辣，加分。蒜蓉包 $38 雖然是簡單的前菜，但擺碟都不馬虎，份量亦不少，配肉丸一齊食簡直perfect match! 黑松露野菌意大利飯 $108食第一啖，感到絕對足料，落黑松露相當重手，相當濃郁，而且忌廉味亦重，啱晒一眾喜好濃味人士，飯粒帶點點硬身，很好不會變做燴飯。最後亦要讚讚餐廳服務很好，由招待、落單，非常有禮，亦耐心解答問題，亦會主動refill熱水。