蝦麵店 (荃新天地) (Closed)

叫咗個豐盛海鮮麵，配咖哩湯底喇沙麵。誠實地講，上到嚟嘅賣相係咁，確實係差少少（起碼比之前進步了，以前面更差），不過重點係料同味道嘛。份量用料方面，兩隻蝦，兩隻青口，都頗多塊魷魚片，有豆卜，用料份量上確實唔少。蝦係冇殻嘅，不錯，而且唔再係以前咁細到蝦米仔咁又冇蝦味；依家蝦算大，都有蝦鮮味。其他配料不過不失啦。湯頭幾香，有好濃嘅椰奶味，唔會好鹹，事後都冇好口渴，飲兩淡都okay。麵嘅份量比較少，如果比較大食可能要加底了。店員好貼心，會俾多隻碗放過放殻，nice。