Video
Read full review
2021-12-11
552 views
第一次係火炭裕滿飲茶，無諗過有曱甴🪳飲茶途中，有位樓面放低熱水壺，我拎起水壺斟水時，驚覺有隻小強跑來跑去，哇嚇死我呀，我即刻縮手，小強跑落枱布。我地即刻通知樓面，呢個時候小強係枱嘅另一邊跑出來，一開始無人理我地，兩分鐘後經理出來踩死隻曱甴、執走佢。但之後枱布碗碟通通無換，一句「唔好意思」都無，經理坐返入房，彷彿咩事都無發生過。真心，唔係要你賠錢定送咩野，最基本曱甴爬過嘅枱布都應該要換掛？我地問經理得幾枱客，都無員工理我地佢話：大家都忙緊晚市，無人得閒我地：==(心諗…下有曱甴喎)你地無train員工點處理咩？經理話：宜家train唔到架啦，無得train架，我咪孭緊鑊囉……睇黎經理平時管人管得好氣餒，言談間都好灰無論員工態度定衞生，都有啲問題，大家如果幫襯要小心😵
飲茶途中，有位樓面放低熱水壺，我拎起水壺斟水時，驚覺有隻小強跑來跑去，哇嚇死我呀，我即刻縮手，小強跑落枱布。
我地即刻通知樓面，呢個時候小強係枱嘅另一邊跑出來，一開始無人理我地，兩分鐘後經理出來踩死隻曱甴、執走佢。但之後枱布碗碟通通無換，一句「唔好意思」都無，經理坐返入房，彷彿咩事都無發生過。
真心，唔係要你賠錢定送咩野，最基本曱甴爬過嘅枱布都應該要換掛？
我地問經理得幾枱客，都無員工理我地
佢話：大家都忙緊晚市，無人得閒
我地：==(心諗…下有曱甴喎)你地無train員工點處理咩？
經理話：宜家train唔到架啦，無得train架，我咪孭緊鑊囉
……睇黎經理平時管人管得好氣餒，言談間都好灰
無論員工態度定衞生，都有啲問題，大家如果幫襯要小心😵
Post
