八八八拉麵 (Closed)

是日相約友人去銅鑼灣行街購物，左行右行，佢就滿載而歸，細佬就毫無收穫。早想試試八八八拉麵，咁黎到銅鑼灣當然順便試試啦。店開在地庫一樓，走下去竟然不見人龍，直接有位，因為聽聞此店甚旺場，閒日人龍排到去地庫樓梯一半，呵呵，今日禮拜六都唔駛排隊，認真好彩。話明拉麵店，當然試下佢D拉麵先啦，要了醬油拉麵、醬油魚湯拉麵和一客煎餃。開放式廚房用玻璃窗間隔，可惜坐得太遠，見不到師傅煮麵情況。麵來了，賣相不錯，呷一口湯，甜甜地，醬油味濃，可惜過鹹。拉麵煙韌又不會過腍，不錯。叉燒頗厚身，卻肥瘦適中做得鬆化，好味道。銀芽新鮮爽口，伴拉麵食一流！煎餃子，味道幾好，不過不夠熱，也不脆，不試也罷……朋友話醬油魚湯拉麵無咩魚味。見鄰桌的味噌拉麵加牛油和烤墨魚好似不錯，有機會再黎試試。