Flamingo Bloom (Closed)

呢一間紅鶴嘅手搖飲品都紅左好耐，一直想試但又唔想出咁遠喎，今日咁啱經過而且冇乜人仲要撞正係下午茶時間有優惠，就同朋友入去坐一坐入邊環境真係裝修得好靚，有一大幅牆係flamingo同熱帶植物既圖案非常適合打卡飲品方面我哋叫咗一杯玫瑰珍珠奶綠同埋奶蓋芒果清茶，除咗個外貌包裝之餘飲品都非常之有驚喜一開始見到杯野係粉紅色覺得好驚，但係佢係真材實料好香嘅玫瑰味但係又唔會太甜，珍珠好有咬口面頭仲有一粒粒嘅玫瑰花 非常清新呢杯芒果清茶都係，冇諗過有奶蓋嘅飲品都可以咁清新 啲果味好真 唔似係糖精溝出黎就算食飽飯飲都無問題 👍🏻👍🏻👍🏻