Video
Read full review
2018-08-18
69 views
今日同朋友到銅鑼灣行街，到咗晚飯時間，日韓野食得多，想試吓啲新嘢。最後搵到喺Tower 535三樓有間食西班牙菜嘅餐廳，就決定試吓。一上完電梯就見到好靚嘅吧枱，門口設計好時尚，好吸引到人入去坐低食嘢。我哋坐嘅位置都好有設計感㗎👍🏻平時我唔算成日食西班牙菜，所以對西班牙菜式未係好熟，正當我地躊躇緊點甚麼食物嘅時候，店員好有禮貌、好有耐性咁樣去為我哋解釋咗唔同嘅菜☺️最後我哋叫咗五道菜，一個甜品。.🔸Spanish garlic prawn一捧到過嚟，已經聞到好香嘅蒜味。除咗有蒜片同埋蝦，仲有乾辣椒同埋一啲麵包。首先蝦好爽口，亦都幾大隻！麵包點落去碟裏面嘅油，油裏面係充滿咗蒜味同埋蝦嘅味道，再加上乾辣椒嘅小小辣味，惹味之餘亦唔會太辣搶左其他香味。加埋蒜片食就更加香口👏🏻.🔸Ham Croquettes 呢個係乾火腿薯波。首先望落去賣相好吸引，咬落去更加係炸到脆卜卜，外脆內滑，好creamy。上面的source有少少Garlic，唔會搶走火腿、薯嘅香味之餘，亦令薯波更加惹味。幾道餸入面我最鍾意呢個啊！.🔸Cheese Plate總共有三種芝士，店員好好咁逐樣介紹俾我哋，亦同我地食嘅先後次序，味
一上完電梯就見到好靚嘅吧枱，門口設計好時尚，好吸引到人入去坐低食嘢。我哋坐嘅位置都好有設計感㗎👍🏻
平時我唔算成日食西班牙菜，所以對西班牙菜式未係好熟，正當我地躊躇緊點甚麼食物嘅時候，店員好有禮貌、好有耐性咁樣去為我哋解釋咗唔同嘅菜☺️
最後我哋叫咗五道菜，一個甜品。
.
Spanish Garlic Prawn
8 views
0 likes
0 comments
🔸Spanish garlic prawn
一捧到過嚟，已經聞到好香嘅蒜味。除咗有蒜片同埋蝦，仲有乾辣椒同埋一啲麵包。首先蝦好爽口，亦都幾大隻！
Spanish Garlic Prawn
3 views
0 likes
0 comments
4 views
0 likes
0 comments
.
Ham Croquettes
4 views
0 likes
0 comments
7 views
0 likes
0 comments
🔸Ham Croquettes
呢個係乾火腿薯波。首先望落去賣相好吸引，咬落去更加係炸到脆卜卜，外脆內滑，好creamy。上面的source有少少Garlic，唔會搶走火腿、薯嘅香味之餘，亦令薯波更加惹味。幾道餸入面我最鍾意呢個啊！
.
Spanish Cheese Plate
9 views
0 likes
0 comments
🔸Cheese Plate
總共有三種芝士，店員好好咁逐樣介紹俾我哋，亦同我地食嘅先後次序，味道由淡至濃咁樣食，就會最享受到芝士嘅味道。
三隻芝士入面，放後面嗰兩款比較香濃同creamy。放側邊的水果”啫哩”酸酸甜甜， 正好中和返芝士嘅濃味，唔會食到好滯。
.
Mini Burger
9 views
0 likes
0 comments
🔸Mini burger
Burger 入面嘅肉係牛肩胛肉，咬落去有肉汁，入面仲有啲洋蔥同埋酸瓜，洋蔥係甜嘅，將洋蔥、酸瓜同埋牛肉加埋一齊食，有酸甜味，味道層次豐富。配菜嘅青瓜同出面嘅青瓜唔同，出面嘅會比較酸，但係呢碟甜甜地，仲有少少八角味，好fresh!
.
Baked Egg and Mash
10 views
0 likes
0 comments
🔸Baked Egg and Mash
呢道餸有薯蓉、肉、溫泉蛋，撈埋一齊之後，就可以用包點來食。首先睇個樣，賣相相當吸引，撈埋一齊之後，由於有溫泉蛋，所以本身好滑嘅薯蓉就更加滑。而肉嘅鹹味亦都恰到好處，為呢一道菜加上一點調味。
.
Tiramisu
1 views
0 likes
0 comments
🔸Tiramisu
最後我哋叫咗個甜品，就係Tiramisu🤩佢嘅芝士非常滑，配上點左咖啡嘅麵包/蛋糕底，咖啡的苦味令整體甜度減低，不會太漏👍🏻
.
呢一度除咗有格調，食物質素、服務態度都非常好，喺出面食西班牙菜其實都唔平，Appendix嘅價錢我覺得唔算貴，我同朋友都食得好開心
Post
