MAZ Thai & BBQ (Closed)

下午茶既時候食午餐，真係最舒服既，又平d 又唔洗等位又唔洗逼。本來一心去食隔離間雞扒既，點知見到呢間想試左好耐既餐廳，佢下午茶比午餐平20蚊，就秒速決定轉場！一坐低就聽到有食客話佢個飯同餸都係凍既，要叫waiter 換左佢，我心諗會唔會係中伏，但坐低左就試一試啦。佢個裝修都真係好唔錯，個大玻璃令到間舖頭感覺上大左好多成整個感覺好舒服，但係坐高枱既就應該辛苦 d 啦。 點左清邁青咖喱雞飯，仲可以配洛神花茶，都係＄38，真係幾抵。咖喱雞既賣相幾好，都唔錯，雞係新鮮既，個青咖喱幾好，個口感好rich，送飯係正既！可惜（應該係我太餓）個飯唔係好夠。個洛神花茶係茶包，就真係好一般，下次會叫第2 d 野飲。整體黎講，以＄40 以下呢個價錢，呢個環境，呢個食物係抵既，下次都可以試下佢個晚餐！