Video
Read full review
2023-05-30
104 views
餐廳隱身喺尖沙咀加連威老道的瑞生酒店裡邊，酒店同餐廳都走型格路線，由大門開始已相當有設計感，餐廳位於4樓，有室內和室外坐位，一邊係bar枱，一邊係用餐區，入到去非常有格調，裝修走暗黑藝術路線，配有不少樹脂流體藝術品🖼️配合燈光與投影，好有feel。1️⃣ 鮮蝦煙肉意式多士 Fresh Shrimp and Crispy Pancetta Crostini $68共有4塊，喺焗到香脆嘅多士🥖上塗上牛油果醬，仲有原隻爽口彈牙嘅鮮蝦🦐再配埋煙肉🥓和芝士🧀非常香口，鹹香味十足。2️⃣ 自家製焗蟹肉餅 Baked Crab Cake $128整個蟹肉餅做到外脆内軟，係一個有驚喜嘅小食🤩首先外層好酥脆，入面係滿滿一梳梳嘅蟹肉，非常鮮味，餅下面配左紅菜頭醬，同醃製過嘅車厘茄，十分清新，開胃得來唔會膩👍🏻3️⃣ 慢煮伊比亞黑豚肉 Sous-vide lberico Pork $198擺碟都幾靚，將黑豚肉🐗厚切成4份，由於係慢煮嘅關係，肉質仍然呈粉紅色，外層輕輕煎過之後帶點香脆，肉味非常濃郁，配上梨蓉🍐做嘅醬汁、新鮮蘆筍同埋奶油味濃嘅薯蓉，整體配搭非常好。4️⃣ 燴澳洲牛面頰 Braised Australian Bee
餐廳隱身喺尖沙咀加連威老道的瑞生酒店裡邊，酒店同餐廳都走型格路線，由大門開始已相當有設計感，餐廳位於4樓，有室內和室外坐位，一邊係bar枱，一邊係用餐區，入到去非常有格調，裝修走暗黑藝術路線，配有不少樹脂流體藝術品🖼️配合燈光與投影，好有feel。
1️⃣ 鮮蝦煙肉意式多士 Fresh Shrimp and Crispy Pancetta Crostini $68
共有4塊，喺焗到香脆嘅多士🥖上塗上牛油果醬，仲有原隻爽口彈牙嘅鮮蝦🦐再配埋煙肉🥓和芝士🧀非常香口，鹹香味十足。
鮮蝦煙肉意式多士
$68
20 views
0 likes
0 comments
2️⃣ 自家製焗蟹肉餅 Baked Crab Cake $128
整個蟹肉餅做到外脆内軟，係一個有驚喜嘅小食🤩首先外層好酥脆，入面係滿滿一梳梳嘅蟹肉，非常鮮味，餅下面配左紅菜頭醬，同醃製過嘅車厘茄，十分清新，開胃得來唔會膩👍🏻
自家製焗蟹肉餅
$128
13 views
0 likes
0 comments
3️⃣ 慢煮伊比亞黑豚肉 Sous-vide lberico Pork $198
擺碟都幾靚，將黑豚肉🐗厚切成4份，由於係慢煮嘅關係，肉質仍然呈粉紅色，外層輕輕煎過之後帶點香脆，肉味非常濃郁，配上梨蓉🍐做嘅醬汁、新鮮蘆筍同埋奶油味濃嘅薯蓉，整體配搭非常好。
慢煮伊比亞黑豚肉
$198
10 views
0 likes
0 comments
4️⃣ 燴澳洲牛面頰 Braised Australian Beef Cheek $328
牛面頰肉燜得非常軟腍又入味，根本不需要用刀切，食落有少少粘稒嘅口感，應該係已經煮出膠質，而且份量十足，醬汁好香濃，底下有塊糖心蘿蔔，甜得黎仲吸收咗牛肉嘅精華味道，仲配有一條牛肉薯餅，非常滿足🤗
燴澳洲牛面頰
$328
6 views
0 likes
0 comments
5️⃣ 當日無提供cocktail，所以我地就叫左2杯mocktail，整體都好清新！
🍹First Kiss
呢杯用左玫瑰紅茶做底，加埋蘋果汁製成，飲落好清新。
🍸First Night
係一杯自家製既熱情果加提子汁🍇調配而成，好香果香味，酸酸甜甜，同肉類好夾。
總的來說，餐廳環境舒適，而且店員友善又勤快，如果想係尖沙咀搵個有格調嘅地方chill下，又唔太多人嘅地方，呢度係唔錯嘅選擇。
#foodie_couple_hk_sm816
Post
