ATUM Restaurant (Closed)

喺K11 行街行到攰, 所以就去咗之前食過 tea 嘅 ❥⧽ATUM Restaurant ❥⧽ 食飯喇。𓊈鮑魚蟹膏醬燉飯 $𝟷𝟾𝟾𓊉鮑魚好好味呀! 估唔到會整得咁軟腍又入味。燉飯有濃濃嘅蟹膏味, 好creamy, 加咗少少酸薑, 幾得意, 而最上面有幾片海苔片, 薄薄一片有淡淡海苔味都幾特別。𓊈炭燒大蔥豚五花 ✧ 焦糖檸檬洋薏米 $𝟸𝟶𝟾𓊉豚五花燒得剛剛好, 充滿油香, 肉質結實, 食落唔會覺得太肥膩。估唔到洋薏米原來係磨去殼皮嘅大麥, 所以成品同飯差唔多, 而且好有益, 有維他命又可以幫助消化。𓊈炸甜番薯條 ✧ 檸檬蜜糖醬 $𝟼𝟾𓊉番薯條嘅份量真係令人大滿足, 條條都外脆內軟, 甜甜地, 蘸點埋帶酸味嘅檸檬蜜糖醬, 真係好好食!𓊈蔬菜沙律 $𝟻𝟼𓊉沙律菜好新鮮, 蕃茄仔好多汁又鮮甜, 配少少鹽同埋黑醋, 已經好好食。𓊈熱帶水果茶 $𝟺𝟾𓊉水果茶偏重葡萄味, 飲落比較似提子汁。𓊈燒檸檬 ✧ 接骨木花汁 ✧ 蜜糖 $𝟻𝟼𓊉本來以為呢杯嘢飲會比較酸甜, 估唔到檸檬, 接骨木花汁同蜜糖加埋一齊會好似薑味咁。