Bistro East

Open Now

Now Closed

西灣河海旁西餐廳用餐真係好relax!!餐廳有個落地大玻璃，而家秋天可以坐喺門口位置有秋涼嘅感覺！仲可以見到窗外嘅海景，感覺非常放鬆。我地叫左牛肉他他（Beef steak tartar）真係令人驚喜！肉質新鮮，切得好細，搭配少少香料同埋鵪鶉蛋黃，食落口滑溜又有咬口，味道非常豐富！接住嚟係我好中意食既鵝肝（foie gras）。呢一份鵝肝煎得恰到好處，外脆內滑，配上少少黑醋同埋無花果，甜中帶咸，真係好好味！食落去有一種幸福感！然後就係BBQ豬肋骨（bbq ribs），呢個真係唔可以唔提！肋骨燒得非常入味，醬汁濃郁，啖啖肉都好有口感，簡直係肉食者嘅天堂。啲肉質嫩滑～～甜品叫左提拉米蘇（tiramisu）。呢一款手製甜品真係好正！咖啡粉同埋滑滑cream 結合，食落去又香又滑，唔會太甜，完美作為一餐嘅結尾。