老友棧川粵小館

Open Now

Now Closed

琴日我去咗雞地一間餐廳食飯，叫咗幾個菜，包括黃金鮮魷、小炒王同埋咕嚕肉。小炒王$118炒得好香，韮菜配上蝦乾、蝦仁、腰果、魚仔同魷魚🦑係好好嘅組合。小炒王炒得熱辣，好開胃。黃金鮮魷$128淨個名已經好吸引人啦😸鮮魷炸得香脆，鮮魷嫩滑，口感彈牙。必食咕嚕肉$118呢個菜成日都見，但唔係咁容易整得好食。而呢度嘅咕嚕肉就整得好好味。因為佢唔會整得太甜或者太酸，醬汁整得好好味。醬汁味道濃郁，甜中帶咸。而咕嚕肉用嘅豬肉都幾靚，咬落有咬口唔會柴皮。冬瓜茶$12@1整體嚟講呢間餐廳食物水準都唔錯，服務唔錯，坐得都幾舒服。而且仲有提供卡啦OK房同麻雀房，可以同埋成班friend嚟玩吓！