升哥點心 (Closed)

平時行過呢間點心店都想試下，今日見到入面有張2人檯，於是入去嘆下茶。點心係即叫即蒸，茶錢每位$4，仲見到原來可以叫外賣。食物質素佳，價錢合理。五指毛桃燉豬𦟌 $30 好少飲茶時段會叫盅湯，可按照日子揀選湯款，今次材料有五指毛桃，龍眼肉，豬𦟌，飲完感覺好潤好甜。籠仔雲耳滑雞飯 $41 材料有雲耳，滑雞，籠仔飯上比較特別，白飯好香荷葉味，而且雞肉嫩滑。升哥蝦餃皇 $30 必食推介，蝦餃皮薄，蝦肉爽滑彈牙。山竹牛肉球 $19 超新鮮，多牛肉，馬蹄，蒸得不過火，唔係一舊粉團。春蛋燒賣 $24 通常老鋪先會有，原隻春蛋，燒賣多餡，好有懷舊嘅味道。蜜汁叉燒腸粉 $23 腸粉皮薄，好滑，多蜜汁叉燒。