大灰熊廚房 (Under Renovation)

入將軍澳探朋友新居，然後一齊出去食飯。她帶我去帝景灣商場1樓，地點都幾隱蔽，不是有人帶路都未必識上去。這是一間中菜餐廳，地方不是好大，有卡位和大圓枱，還算闊落。我們叫了兩味小菜，家常得來又有水準。湯：粟米豆腐羹小食：黃金豆腐粒小菜：蒜香一字骨、三色蒸蛋粟米豆腐羹雖是簡單家常湯水，但也不是人人都煮得好。今次師傅埋獻埋得靚，豆腐嫩滑，蛋花夠香，整體味道和口感都不錯。唔係講笑，黃金豆腐粒真係秒清，我和朋友對筷子無停過，直到食完為止。外皮又薄又脆又乾身，內裏的豆腐又嫩又滑，調味啱啱好，不會鹹也無需蘸醬汁。蒜香一字骨表面看好似有點乾，但咬一口又發覺肉質鮮嫩，香口惹味。三色蒸蛋嫩滑好送飯。