The Oz Cafe & Restaurant (Closed)

聯和墟街市買明天燒烤食物，順便食晚飯，附近行左20分鐘，今日係聖誕節，大部餐廳都係聖誕套餐，唔太吸引又貴。最後經過呢間餐廳 ，喺外面見到餐牌係意粉以為係西餐，點知望下又有中式小菜 ，我一向好鍾意試新野又支持小店，最後決定試下，環境唔大，點左2餸小菜套餐，再加2個小菜，魚香茄子炆伊麵🥰， 點咗柚子金沙骨，過左一陣店員通知賣曬 ，之後廚房有人走出嚟（估係廚師）介紹我哋轉香橙骨，仲話都好味㗎😁，唔鍾意橙味嘅我，就拒絕咗 ，但屋企人想食，最後都試左，因為通常香橙骨係用濃縮橙汁，點知有小驚喜，係新鮮橙汁加橙肉整，味道好好，而其他小菜味道都唔錯，老公好快就KO左紅酒炆牛腩😆， 另一個驚喜係炆伊麵，爽口唔鹹又唔太油。屋企人會再嚟。