Video
Read full review
2023-05-06
521 views
是日係家兄生日🎂，之前係機緣巧合嘅情況下見到呢間餐廳嘅裝修同餐牌，加上兩老都鍾意周圍搵新餐廳去試食，於是約埋屋企人舉家去試呢間🀄️菜慶生。當睇到餐牌嘅時候無太大感覺，覺得都係傳統中菜，不過坐低之後由餐前小食🥕🥒到每一個餸傳上嚟都將我嘅期望值逐啲逐啲提高，最後亦係大家捧住個肚同大讚嘅氣氛底下食完呢餐飯😋翡翠蘭花炒班球🐟魚呢樣食材由細到大都係我屋企飯桌上面嘅常客，但礙於炒班球要走油或者火喉控制得好好先會唔爛，所以一般都係出街先會食。同埋屋企有人怕魚骨🦴，咁呢個餸係餐館食就滿足哂所有人嘅願望。本以為會同其他連鎖餐廳差唔多味道，但食落一啲都唔油膩，作為食魚達人嘅家父家母都覺讚碟魚新鮮肉質彈牙夾起都唔會散。而好怕草青味嘅我都特登試埋彩椒🫑同西蘭花🥦，全部過關！炸子雞🍗呢個菜又係啲人多先叫到嘅野，皮脆肉唔柴﹑選雞嚟講餐廳都揀左隻皮下脂肪好少嘅雞令到食完一舊接一舊都唔係好有罪惡感。你唔好以為側邊啲蝦片係裝飾(我都以為係好似其他餐廳咁擺到上枱已經淋哂)，我地呢個餸由頭到尾食左差唔多一個鐘，去到最尾都仲脆。如果怕味道單一，佢仲有得點檸檬汁🍋比我地換下口味，刺一刺激味蕾又食多兩件。特色脆皮和牛牛腩🥩和牛聽落
翡翠蘭花炒班球🐟
魚呢樣食材由細到大都係我屋企飯桌上面嘅常客，但礙於炒班球要走油或者火喉控制得好好先會唔爛，所以一般都係出街先會食。同埋屋企有人怕魚骨🦴，咁呢個餸係餐館食就滿足哂所有人嘅願望。本以為會同其他連鎖餐廳差唔多味道，但食落一啲都唔油膩，作為食魚達人嘅家父家母都覺讚碟魚新鮮肉質彈牙夾起都唔會散。而好怕草青味嘅我都特登試埋彩椒🫑同西蘭花🥦，全部過關！
炸子雞🍗
呢個菜又係啲人多先叫到嘅野，皮脆肉唔柴﹑選雞嚟講餐廳都揀左隻皮下脂肪好少嘅雞令到食完一舊接一舊都唔係好有罪惡感。你唔好以為側邊啲蝦片係裝飾(我都以為係好似其他餐廳咁擺到上枱已經淋哂)，我地呢個餸由頭到尾食左差唔多一個鐘，去到最尾都仲脆。如果怕味道單一，佢仲有得點檸檬汁🍋比我地換下口味，刺一刺激味蕾又食多兩件。
特色脆皮和牛牛腩🥩
和牛聽落可能會有人怕怕，驚油脂好重同埋會食到滯，我之前都試過有不良嘅體驗。但作為一個心口掛個勇字嘅食評新手，聽到呢個餸係餐廳嘅特色推介，一於試試佢。個擺盤簡潔地擺左切好左嘅炸皮牛腩件，配一碟比較杰身嘅咖哩汁。先食一啖原味，薄薄嘅脆皮夾住軟身嘅牛腩口感已經不得了，無想像中果種和牛肥膩感之餘，唔點汁本身都夠入味。再試點埋個汁，係帶甜同帶香料味嘅咖哩。
梅菜蒸菜心🥬
呢個餸好家常，但一樣簡單嘅野要做到出色就係對食材同廚師嘅要求。蒸菜心嘅清淡配醃製過嘅梅菜係味覺上嘅衝擊。如果有多個白飯送啲特製梅菜，就perfect啦！
九龍炒飯🐉
食食下見唔係好夠喉就問下伙記有冇咩主食推介，佢二話不說就打開menu介紹呢個signature九龍炒飯，我見mark住本店推介就點左嚟食。個飯準備上嘅時候就係食緊個蒸菜心，忽然有陣好香嘅蝦味傳過嚟。一上枱就見到呢碟咁足料嘅炒飯，有蝦、蝦乾、鴨絲，個飯香口得嚟夠乾身👍🏻
蟲草花金湯自家豆腐🎃
呢個餸我特登最尾先介紹，獎勵啲睇到最後嘅支持者😉蟲草花、豆腐、南瓜湯呢個組合神奇地夾，豆腐輕輕煎過再用一層薄紫菜包住，再燴個南瓜湯同蟲草花落去，蟲草花爽口得嚟個湯有甜甜地又帶啲鹹，陣味留係口腔好耐都唔散。
🎞️懷舊菲林卷拼椰汁軟糕🥥
呢個甜品有返咁上下年代感，整得彈牙挺身唔痴咀亦唔會一夾就散，食到最後用個甜味中和返之前啲餸嘅鹹味，為餐飯埋左個happy ending
翡翠蘭花炒班球
25 views
0 likes
0 comments
炸子雞
19 views
0 likes
0 comments
特色脆皮和牛牛腩
19 views
0 likes
0 comments
九龍炒飯
39 views
0 likes
0 comments
梅菜蒸菜心
21 views
0 likes
0 comments
蟲草花金湯自家豆腐
29 views
0 likes
0 comments
懷舊菲林卷拼椰汁軟糕
36 views
0 likes
0 comments
Post
