Video
Read full review
2019-07-29
20 views
屋企附近開咗間點心店，呢晚就去咗試！好多大路嘅點心都有，但都見到小店有加點小心思，唔少都有『變奏版』！別有洞天脆皮腸($35)賣相好靚，腸粉又滑又薄，包住大隻彈牙嘅蝦肉，中間夾著脆脆，放上粟米同粒粒蟹子，口感好有層次！每件都真材實料，餡料豐富，都幾抵食！升哥蝦餃皇($30)一客四隻，蝦餃全部大大隻，包得飽滿豐富，我最欣賞蝦餃皮晶瑩通透略帶煙靭，香港難得嘅高水準！翡翠墨魚滑燒賣($30)燒賣皮用蔬菜整，比較健康，入面用墨魚滑代替豬肉，鮮甜爽彈，而且比傳統燒賣更加健康少油好啱我口味。北海道芥末蟹鉗($18/隻)蟹鉗好好食，炸得薄脆，入面餡料實在，食落啖啖肉，鮮味十足，推薦推薦！籠仔馬蹄章魚肉餅飯($37)馬蹄章魚肉餅好足料，食到一粒粒馬蹄同章魚，口感好好，而且唔油膩，有住家感覺。飯都好乾身。最後點多一碟白灼靚菜心，滿足飽肚嘅一餐！
別有洞天脆皮腸($35)
賣相好靚，腸粉又滑又薄，包住大隻彈牙嘅蝦肉，中間夾著脆脆，放上粟米同粒粒蟹子，口感好有層次！每件都真材實料，餡料豐富，都幾抵食！
升哥蝦餃皇($30)
一客四隻，蝦餃全部大大隻，包得飽滿豐富，我最欣賞蝦餃皮晶瑩通透略帶煙靭，香港難得嘅高水準！
翡翠墨魚滑燒賣($30)
燒賣皮用蔬菜整，比較健康，入面用墨魚滑代替豬肉，鮮甜爽彈，而且比傳統燒賣更加健康少油好啱我口味。
北海道芥末蟹鉗($18/隻)
蟹鉗好好食，炸得薄脆，入面餡料實在，食落啖啖肉，鮮味十足，推薦推薦！
籠仔馬蹄章魚肉餅飯($37)
馬蹄章魚肉餅好足料，食到一粒粒馬蹄同章魚，口感好好，而且唔油膩，有住家感覺。飯都好乾身。
最後點多一碟白灼靚菜心，滿足飽肚嘅一餐！
Post
