百份百餐廳 (元州街) (Closed)

最近屋企附近開左間新茶餐廳，作為街坊一定要試下佢有幾好食嫁啦，於是搵左日下午午餐去試下。一入到去，見到用左香港懷舊特色做佈置，木枱鐵椅絕對有茶餐廳特色。想知一間好食既茶餐廳師傅得唔得，我會選擇食炒野，鑊氣，色，香，味唔可以少，所以我擇左干炒牛河，係我人生其中一道最鍾意想食既菜。當店員上枱既時候，見到賣相好，香味十足，河粉食入口夠爽，一條條唔會好粉同痴牙，牛肉夠滑無根同淋，非常好食，當中加左d薑絲落去炒，少少辛辣，好開胃。今餐十分滿足，鍾意食牛河既朋友可以去試試！