Video
Read full review
2011-08-18
14 views
係友人介紹呢到，麵包曲奇蛋糕都有賣，都好多款式，食過印象都好唔錯，有時既早餐同有時既下午茶都會幫襯下，實在太懶，一兩件就唔多想分享，不過backup既時候睇返d相，原來都食左好幾款野，難得搵返出黎又分享下都好。蝴蝶酥，應該係第一次買既一款，size較小，不過食落好鬆脆，硬度跟四重奏的差不多，整體就偏向甜甜的，不過我ok，好似係$4x 一筒，都幾抵食，不過近呢幾個月去，都冇得買，唔知係冇再整定點，不過真係幾好味，希望店方出番。4 mix 曲奇，有牛油咖啡朱古力同綠茶味。曲奇質感係腍身的，可能個人都係鍾意較為脆身既曲奇，這裡的就唔係太合我心水。味方面，牛油係最好，牛油味夠出，又唔會好溜。杏仁條，好脆身，食落有淡淡杏仁味，而每條上面都真係有一塊塊既杏仁片，都幾好食。芝士條，賣相真係麻麻地，好似樹枝咁，硬硬地，似餅乾多過似芝士條，芝士味唔太出同埋鹹鹹地，我就唔係幾鐘意啦。竹炭什果卷，第一次食竹炭既產品，食落好似咬緊毛巾，質地怪怪的，仲有好似沙咁，唔好食又唔係，我都覺得未食過既要試下，卷入面既什果係罐頭貨，用上好一點既生果效果會更好。細芝士蛋糕，個蛋糕幾實淨，不過唔係硬果隻實，芝士味幾強，幾有驚
蝴蝶酥，應該係第一次買既一款，size較小，不過食落好鬆脆，硬度跟四重奏的差不多，整體就偏向甜甜的，不過我ok，好似係$4x 一筒，都幾抵食，不過近呢幾個月去，都冇得買，唔知係冇再整定點，不過真係幾好味，希望店方出番。
4 mix 曲奇，有牛油咖啡朱古力同綠茶味。曲奇質感係腍身的，可能個人都係鍾意較為脆身既曲奇，這裡的就唔係太合我心水。味方面，牛油係最好，牛油味夠出，又唔會好溜。
杏仁條，好脆身，食落有淡淡杏仁味，而每條上面都真係有一塊塊既杏仁片，都幾好食。
芝士條，賣相真係麻麻地，好似樹枝咁，硬硬地，似餅乾多過似芝士條，芝士味唔太出同埋鹹鹹地，我就唔係幾鐘意啦。
竹炭什果卷，第一次食竹炭既產品，食落好似咬緊毛巾，質地怪怪的，仲有好似沙咁，唔好食又唔係，我都覺得未食過既要試下，卷入面既什果係罐頭貨，用上好一點既生果效果會更好。
細芝士蛋糕，個蛋糕幾實淨，不過唔係硬果隻實，芝士味幾強，幾有驚喜的一款，下午茶同早餐都岩食，很不錯。
蛋撻，下午茶首選，係街市果間先有得買，曲奇皮，夠鬆脆，如果佢d曲奇有咁鬆脆就好啦，蛋味未算濃郁，不過都係可以的，整體都係收貨，好似$3.5一隻，好ok啦。另一樣好係夠大隻，同區賣到出哂名果間又加價又縮水，雖然好食，不過我真係接受唔到law。
雞批，下午茶次選，雞批印象中做得好既係壇島，皮好餡料都好。呢到皮就唔錯，餡料有點失色，唔知係咪因為店方走健康路線既關係。
牛角酥，個包夠酥，亦夠軟身，面頭有少少杏仁粉，多種味，都幾唔錯。
其實仲試左唔少包類同鬆餅，水準都係好唔錯。係商業區，連鎖式總有一間係左近，呢類有水準既小店實在難得，經過的試過好真係值得繼續支持下。
Post
