新派韓食館 (Closed)

最近喺新翠邨商場開咗間韓國菜，心諗開得喺屋邨，咪又係啲掛羊頭賣狗肉嘅假韓國餐廳，後來睇雜誌見過有介紹，佢地嘅食物同飲品都幾有特式喎，之後再上開飯睇下，原來都幾多好評，咁近我家當然要試下啦，於是星期六晚叫家人早點去等位先，6點幾去到已經要攞飛等位了，等左大約半個鐘就可以入座。店內環境幾有特式，侍應都係年青一代，好有活力。飲品雖然唔平，但貪得意叫左嚟試下，芬達插草莓沙冰$38，雙層草莓溝柚子沙冰$32，草莓梳打$20，全部都唔錯炸醬麵又係我常叫嘅韓國菜，雖然賣相黑忟忟唔係咁好睇，略帶甜味嘅炸醬配爽滑嘅拉麵，絕對係韓迷之選。