板神鉄板燒日本料理 (The Hennessy) (Closed)

朋友生日，想同佢食一啲特別嘅鐵板燒，所以揀咗呢一間人氣高而且又有海景嘅鐵板燒。之前同屋企人食過一次晚上，但係發覺日頭嘅景色比較靚，所以揀咗中午去食。我哋揀咗二人餐，中午會送龍蝦。日頭環境好光猛透光，現場都有不少家庭帶埋小朋友嚟食，我哋揀咗坐鐵板枱，一邊望住師傅流口水，一邊等待食物送上來。刺身，前菜沙律，海鮮，到最後炒飯樣樣都好滿意，對於我來講唯一就是有時海鮮嘅調味比較重，略為失色。環境同服務果方面都係非常之好。