Ebeneezer's Kebabs & Pizzeria (黃金海岸) (Closed)

喺室外露天帳篷下食，吹住海風，環境幾休閒侍應服務態度幾好，好有笑容，會主動招呼客人，唔似得某部分香港人侍應黑口黑面、粗聲粗氣叫左三款食物，上餐時間比茶餐廳較慢，但可接受：第一款係燒羊肉pizza，熱辣辣，餅底好脆，又有芝士拉絲，惹味。第二款係9吋燒雞希臘沙律，燒雞比較乾身，加白色同綠色醬好味啲，紅色醬比意料中辣。第三款係印度甜品，類似浸糖水嘅炸粉團，好甜，比較唔啱一般香港人口味，早知叫開心果雪糕比較好最後兩個人食到好飽肚。