大排檔火鍋

Open Now

Now Closed

今日放工約左朋友係旺角睇戲，在無訂餐廳既情況下走走逛逛就留意到喱間大排檔火鍋，老闆熱情介紹食物由於趕時間睇戲，佢仲特登叫廚房快手啲。椒鹽豆腐上菜已見到豆腐表面金黃，顏色好靚，廚師將豆腐做得夠乾身，豆腐咬落唔會油淋淋，食到裡面係嫩滑既豆腐，外層香口配搭豆腐既口感一流。薑蔥魚頭煲喱個菜式係朋友指定既，因為我唔鍾意食魚。薑蔥份量多魚頭煲上菜一啲腥味都冇，朋友話魚頭夠啖啖肉，魚肉既油脂同薑蔥絕配，一定要食白飯😂金銀蛋浸時菜我就更偏好喱個金銀蛋時菜。上湯加入左皮蛋同咸蛋，有陣鹹香鮮味，菜本身係冇味既，索左上湯精華好清甜，份量都唔少食完我地急急腳就去左睇戲啦~多謝老闆照顧，加快左我地食飯進度~~有機會會再黎試其他菜式