稻八日式火鍋炸物放題 (Closed)

自己本身都成日喺呢度食放題，鐘意呢到唔淨係得打邊爐，餐廳裏面亦都會提供炸爐，可以自己與炸串串食，如果叫一個貴價啲嘅餐，仲可以有埋壽喜燒食。餐廳嘅梅酒同清酒係任飲，店舖前有一個大大塊宣傳海報，吸引左好多人入去。湯底方面，我一定會叫鴛鴦湯底，我叫咗3.7牛乳同埋壽喜燒湯底，牛乳個湯我食到有少少豬骨味，所以應該都有豬骨湯底嘅成份喺裏面。餐廳嘅小食都係任食，我自己就鍾意食章魚燒同埋薯餅，新鮮炸起，香脆可口。佢哋嘅刺身，如果叫一個貴價啲嘅餐，就可以任食，相反就可能要俾少少錢另外叫，但我知道嘅係，如果加$30 ，都可以任食。我叫左赤蝦同象拔蚌。我俾左四百幾蚊，要左一個和牛嘅套餐，牛嘅油花分明，入口香口牛味濃。另外亦都有黑毛豬，同埋羊肉、雞肉，每一款郁到有濃郁嘅香味。肉質爽脆，非常不錯。