一汁一菜 (朗豪坊) (Closed)

日本過江龍，餐牌主打六款熱湯，三款咖喱飯，三款日式小菜以及石窯麵包，選擇唔算多，不過符合一汁一菜的簡單日式料理意思。限定二人前 $178 - 兩碗湯，兩杯飲料，一款咖喱飯，一個白飯，兩碟小菜。我們選了一汁一菜和牛羅宋湯以及法式龍蝦濃湯 （各需另加$10）味道幾香濃，不過和牛有點韌。和風番茄雞肉咖喱飯是日式甜咖喱，吃不出番茄味；雞肉幾大件，可惜唔夠嫩滑，反而有點老，失敗。小菜番茄菠菜芝士雞肉卷的雞肉又老又無味，菠菜及芝士也未能增加口感或豐富味道，全靠番茄醬汁補救。油揚豆腐黑豚薑汁燒好食，拌飯一流。蜜桃紅茶及烏龍茶正正常常夠凍夠大杯，無加冰所以唔會變淡，讚。整體覺得價錢唔算貴，但食物質素一般，肉質令人失望，為左個湯又好似唔使特登去呢度。（單買一碗湯是$39-49）.值得一讚係職員主動幫手搬餐盤轉枱，服務態度幾好。