敏華冰廳 (Mikiki)

Open Now

Now Closed

唔係第一次食黯然銷魂飯，其他分店嗰啲都OK，呢間真係特別差。本身蛋味幾香，蛋汁都夠撈飯，食嚿叉燒發覺超級鞋，外邊係燒到有啲焦香，但食落真係唔掂，肥瘦都唔係適中，係偏瘦嘅叉燒，咬落似係擺咗好耐，有啲霉，收人70幾蚊如果係呢個質素就真係唔值。之前食過黃金叉燒飯係OK嘅，唔知呢間分店做成點。希望只係呢間分店無啦啦失手，如果次次都係咁，不如我食返普通街邊燒味飯算。不過呢啲連鎖店一定有指引點樣做佢哋嘅叉燒，如果唔係點樣保持品質，仲要係招牌菜，希望下次會改善。