皇后米線 (皇后大道中)

Open Now

Now Closed

今日，12/02/18, 中午食晏，突然想食米線，一個人去左上環呢間自家米線店，試一試佢好唔好食，因為成日都見呢間野好多人食，但始終無去食過，今日便知水準如何。舖位門面比較細，入到去，都見到有好多張枱嘅，都好多人黎食，但一個人都應該揾到位搭枱，唔駛等。呢間點好有自己特色，有多款 set好嘅午餐，有飯，有米線，唔同出面 d米線舖，好多款餸比你自由配搭。我就選左一款兩餸嘅米線：鹵大腸酸菜紅燒肉米線 $42佢係用鍋仔上架，份量都適中，唔算少了，但餸就少左 d, 因為佢切到好細件架，但係自己店做嘅鹵大腸，紅燒肉，好多人食架，食落真係好好味由其係紅燒肉，半肥半瘦咁，好好食但少左 d 囉，酸菜食落又好新鮮架喎，鹵大腸就好少，但都好味。其實呢款米線有餐架，$50 就包埋一杯鮮果茶凍飲，好大杯，抵食 d架。下次再黎就要試試等二款了。