焱手工涮涮鍋 (Closed)

無錯，又去食打邊爐，今次老婆選擇左呢間台式手工火鍋，地方寬敞舒適又乾淨，仲有卡位座。火鍋套餐每位HK$268/2位起，可以選擇特色湯底火鍋/粥底火鍋，包晒醬料、飲品、湯底、前菜、炎鍋配料，價錢非常抵食。前菜小食柚子沙律及鮑撈手撕雞，我比較鏗意鮑撈手撕雞，微微的麻辣，醒精又開胃。湯底點左東方美人鍋（竹絲雞配桃膠）及養生人參藥膳鍋，中間係火焰清酒煮蜆，職員會為客人煮蜆，加左清酒炒格外鮮甜。要大讚一下個湯底，非常足料，好似東方美人鍋有足足半隻竹絲雞，仲有桃膠、蟲草花、紅棗、菇等，養生人參藥膳鍋有好多藥材，好似人蔘、杞子、淮山等，味道甘香，對身體又好。海鮮拼盤會按照當日的貨源而定，有五款新鮮的海鮮，聖子大大隻非常鮮甜的、海蝦彈牙、仲有我最鐘意的墨魚片亦爽口十足。頂級安格斯牛頸布脊，牛味香濃，肉質鮮嫩。最有特色的非呢度的手工火鍋拼盆莫屬，新鮮手工製作，有太極蟹子軍艦、別蝦我、三層墨魚磚、手打安格斯香辣牛丸、牛肝菌黑松露餃子，各有特色!!老婆最鐘意即炸響鈴卷，新鮮即炸，大大一條。新鮮時蔬籃有幾款新鮮蔬菜。最後仲有香滑的雪糕作結尾。