燈籠滷味 T.P.E. (M88) (Closed)

中環放工約咗朋友食台灣嘢，係M88，呢度環境舒適私隱度高，都幾適合坐低傾吓計。我哋叫咗日本豚肉烏莦麵，呢個似韓國菜多個台灣菜，就係想食凍烏冬所以選擇咗佢試吓，幾開胃因為有泡菜，滷水蛋豚肉，都唔錯嘅選擇。蔗香牛肋條冬粉，有驚喜我好鍾意佢個湯，暖粒粒熱辣辣，清清地有香甜嘅蔗香牛肋條，配有紅蘿蔔🥕白蘿蔔吸晒啲湯，推介！奶油芋泥、肉鬆、起司蔥抓蛋餅，好正！呢個係每次食都覺得保持水準，必食之選。啲芝士溶晒係肉鬆芋泥之間，味蕾處生於來回地獄又折返人間🫶🏻多層享受😎，蛋餅之中嘅極品！蛋餅皮夠薄，煎得香脆可口，外脆內軟，配上非常有層次感的肉鬆芋泥，一個人都可以成日食一碟呀。