Video
Read full review
2015-04-26
973 views
放左工同屋企人落街食，想食日本野，元朗嘅日本餐館真係百花齊放，橫掂未試過又最近屋企，一於黎大盛屋。八點鐘黎到，好旺場，啱啱好有一張枱走，勁好彩唔使等位。餐牌上選擇超多，壽司，刺身，沙律，燒物，拉麵等等，真係三心兩意唔知揀咩好，點下點下都好似揀左好多野咁喎。雞泡魚干 $35魚干幾厚身有咬口，甜甜的，仲有啲菜沙律伴碟，口痕真係唔錯。三文魚五重奏 $58原味，黑松露，辣味，柚子，火灸醬燒，五件中試了柚子味，甜甜嘅柚子醬原來同三文魚又幾夾喎，好味。其他壽司，一張長碟上哂。蔥粒吞拿魚蓉海膽軍艦 $28吞拿魚魚蓉肥美，海膽鮮甜，好味。火灸左口魚裙邊壽司 $12 /火灸三文魚腩壽司 $18兩者都新鮮肥美，但火灸效果不强，只係微微燒過。燒冬菇 $10厚肉多汁，唔錯。燒多春魚 $15呢個無食，但我覺得一條十五呢個價錢有點小貴。網燒安格斯牛扒定食 $98火候剛剛好，肉嫩多肉汁，少少蒜同檸檬汁調味，好好味。沖繩海萄葡魚生沙律 $50海葡萄夾脆，好新鮮，魚生有三文魚，吞拿魚，紅章魚等，黑醋汁沒有過酸好開胃。凍蕃茄 (麻醬) $28冷蕃茄肉厚多汁去皮無喳，撈埋麻醬好好味。刺身 - 生蠔 $45 / 三文魚腩 $
八點鐘黎到，好旺場，啱啱好有一張枱走，勁好彩唔使等位。
餐牌上選擇超多，壽司，刺身，沙律，燒物，拉麵等等，真係三心兩意唔知揀咩好，點下點下都好似揀左好多野咁喎。
雞泡魚干 $35魚干幾厚身有咬口，甜甜的，仲有啲菜沙律伴碟，口痕真係唔錯。
三文魚五重奏 $58原味，黑松露，辣味，柚子，火灸醬燒，五件中試了柚子味，甜甜嘅柚子醬原來同三文魚又幾夾喎，好味。
其他壽司，一張長碟上哂。
蔥粒吞拿魚蓉海膽軍艦 $28吞拿魚魚蓉肥美，海膽鮮甜，好味。
火灸左口魚裙邊壽司 $12 /火灸三文魚腩壽司 $18兩者都新鮮肥美，但火灸效果不强，只係微微燒過。
燒冬菇 $10厚肉多汁，唔錯。
燒多春魚 $15呢個無食，但我覺得一條十五呢個價錢有點小貴。
網燒安格斯牛扒定食 $98
火候剛剛好，肉嫩多肉汁，少少蒜同檸檬汁調味，好好味。
沖繩海萄葡魚生沙律 $50海葡萄夾脆，好新鮮，魚生有三文魚，吞拿魚，紅章魚等，黑醋汁沒有過酸好開胃。
凍蕃茄 (麻醬) $28冷蕃茄肉厚多汁去皮無喳，撈埋麻醬好好味。
刺身 - 生蠔 $45 / 三文魚腩 $60 / 吞拿魚 $60 / 帶子 $58生蠔超正，三文魚腩好肥厚切正呀，吞拿魚魚味十足，帶子大size厚身鮮甜，又係好正。
呢個蠔超肥美鮮嫩，一試愛上！！
海膽手卷 $34海膽同飯嘅比例一半一半，一口咬下全部海膽好滿足呀。
京蔥三文魚碎飯 $52意外地大份量，三文魚新鮮，京蔥唔辣又幾易入口，好味。
鐵板蒜片一口牛柳粒 $78牛味唔錯，上枱時個鐵板嗞嗞響，勁香呀，一啖一粒牛油爆開好正。
真係好好味，老爸食得十分開心，下次再一家人落黎開飯先，哈哈。
Post
