錦壽築地 (Closed)

今日係細佬生日，佢最鍾意食日本野同壽司，緊係帶佢食壽司慶祝啦！上網資料蒐集左有咩正嘅壽司店，就見到呢間「錦壽築地」啦，仲有壽司生日蛋糕添，於是就即刻打電話去訂枱食呢間啦我地一開始就叫咗個壽司蛋糕先啦，有三文魚刺身鋪面，上面放有牛油果，海膽，魷魚同油甘魚，刺身都好鮮甜味美！底下呢～就係加咗蟹籽嘅日本壽司飯，整體賣相好特別！我細佬都十分鐘意丫之後再叫咗三文魚腩刺身，吞拿魚刺身同北寄貝刺身，三文魚腩超級肥美，呑拿魚刺身好有口感，好正呢值得一提嘅係，和牛刺身，好大塊和牛，入口即溶嘅感覺，好肥美，真係好正，好味程度難以用文字去形容食左咁多壽司，梗係要食返啲邪惡炸物：天婦羅！我地叫左炸蝦天婦羅，一條大大嘅炸蝦，炸粉唔厚，而且炸得好脆，一啲都唔覺得油膩，好好食呀