寢宮

Open Now

Now Closed

早幾日同老婆去 fine dining，搵到呢間諾士佛臺旺中帶靜嘅樓上酒吧餐廳呢度環境好舒適，唔止同另一半黎，就算同朋友一齊黎飲酒、吹水、篤波都幾正～是日餐湯係南瓜湯，好綿密既口感，湯感順滑，南瓜味道十分濃郁香甜，正～精選頭盤，有意大利火腿、沙律菜、煙燻三文魚。味道非常豐富，每一種食材的味道都完美咁融合喺一齊，煙燻三文魚有微微煙燻既香味，意大利火腿既咸香味，真係齒頰留香，沙律菜加埋酸酸嘅醬汁好開胃～香草雙重芝士瑪格麗特薄餅，薄餅口感香脆，新鮮多汁既番茄切片，加埋上面充滿住芝士既香味同香草調味，真係食到停唔到口！👏🏻烤豬肋骨配燒烤醬及菠蘿。豬肋骨肉質鮮嫩，同埋會透出淡淡的肉香味，再搭配特製燒烤醬，非常好味！😋菠蘿完全唔似配角，非常鮮甜多汁，又夠開胃，一流！👍🏻Blue Sheet (Cocktail)，混合左荔枝、菠蘿汁、雪碧、白葡萄酒、庫拉索酒等等，有好清新嘅荔枝味，非常容易入口！Cocktail Carnival (Cocktail)，有 Baileys 加威士忌，同其他朱古力餅乾脆條，既係飲品又係甜品，好sweet～不論Cocktail定係食物都非常出色，值得再返黎～