Video
Read full review
2018-11-18
733 views
外表平庸，睇落似係普普通通一間做街坊生意既小店但啲嘢食又唔錯喎嗌左三款雞第一個係麻辣雞煲，小辣睇落無論配定雞都好足料就算係小辣，唔係好食得辣既我都已經頂唔順😂😂但同行既人就話好正另一個就係唔辣既肥腸雞煲好多芫茜啲芫茜味入晒落啲同肥腸到食啖雞，本身以為無芫茜味，點知啲芫茜味後勁好強，湧晒出嚟媽啊，好臭啊😂😂😂一邊太辣，一邊有臭芫茜，所以要再嗌多個再嗌左多肥腸雞煲唔辣走芫茜一開，又係芫茜🤷🏻♂️🤷🏻♂️🤷🏻♂️咁無誠意既喂，落單嗰陣明明覆左單話幫我地走芫茜，但最後又拎個有芫茜既出嚟好彩依到啲雞幾惹味，同埋都幾滑之後加湯打邊爐嗌左個牛頸脊，好濃牛味佢介紹蝦滑同墨魚滑，都真係好足料，又爽口彈牙黑栢葉就麻麻地，唔係咁討好再嗌左啲魚，都幾好味其他丸啊菜啊都係正常質素最後我地嗌左出前一丁，佢就嚟左烏冬，好聲好氣同佢講我地係嗌出前一丁，無嗌烏冬啦佢一句就話係咪你地寫錯啊🤷🏻♂️我對眼就嚟反到上天🙄🙄🙄會唔會係你地睇錯左呢下睇返張單先話，係喎睇錯左加句唔好意思都得呱🤷🏻♂️🤷🏻♂️🤷🏻♂️食到最後，辣嗰邊都仲係好濃味成餐飯無論加湯定換gas都要等好耐先有人嚟人手唔多，但就連室外都要擺多幾張枱唔夠人手就唔
嗌左三款雞
第一個係麻辣雞煲，小辣
睇落無論配定雞都好足料就算係小辣，唔係好食得辣既我都已經頂唔順😂😂但同行既人就話好正
另一個就係唔辣既肥腸雞煲
好多芫茜啲芫茜味入晒落啲同肥腸到食啖雞，本身以為無芫茜味，點知啲芫茜味後勁好強，湧晒出嚟媽啊，好臭啊😂😂😂一邊太辣，一邊有臭芫茜，所以要再嗌多個
再嗌左多肥腸雞煲唔辣走芫茜一開，又係芫茜🤷🏻♂️🤷🏻♂️🤷🏻♂️咁無誠意既喂，落單嗰陣明明覆左單話幫我地走芫茜，但最後又拎個有芫茜既出嚟
好彩依到啲雞幾惹味，同埋都幾滑
之後加湯打邊爐
嗌左個牛頸脊，好濃牛味
佢介紹蝦滑同墨魚滑，都真係好足料，又爽口彈牙
黑栢葉就麻麻地，唔係咁討好
再嗌左啲魚，都幾好味
其他丸啊菜啊都係正常質素
最後我地嗌左出前一丁，佢就嚟左烏冬，好聲好氣同佢講我地係嗌出前一丁，無嗌烏冬啦佢一句就話係咪你地寫錯啊🤷🏻♂️我對眼就嚟反到上天🙄🙄🙄會唔會係你地睇錯左呢下睇返張單先話，係喎睇錯左加句唔好意思都得呱🤷🏻♂️🤷🏻♂️🤷🏻♂️
食到最後，辣嗰邊都仲係好濃味
成餐飯無論加湯定換gas都要等好耐先有人嚟人手唔多，但就連室外都要擺多幾張枱唔夠人手就唔好做咁大個場啦想做咁大個場就請多幾個人嚟幫輕下啲員工啦
食物係唔差既，都唔算貴我地嗌左好多枝啤酒同嘢食，7個人食到好飽，埋單都只係1700左右250唔使，同任食嗰啲雞煲價錢差唔遠，但依到既用料同味道就高質過任食好多
不過，預左無環境，坐得唔係好舒服，仲要無乜服務比少少錢都唔會當自己大帝，要人服侍，但依到服務真係可以用差去形容
如果再揀，我就寧願比多少少坐得好啲同食得舒服啲啦
Post
