百味車仔麵 (Closed)

同女性朋友去到太子始創中心，唔知食咩好，見到尼度外觀唔錯，服務員不停招手，一於入去試試。當時係下午茶時段，3餸麵$30蚊，飲品另外加錢，不過如果要加一樣餸要加$10，相比午市時段貴，比較奇怪！由於唔接受尼個收費，我地加左個煎釀孖寶。我叫左豬軟骨、豆腐卜、魚片頭，朋友叫豬腩肉、紫菜、豬皮，下午茶價錢同餸既份量相比都合理。唔知係咪小食係另外加，3件茄子3件青椒，大大件。麵同煎釀孖寶都幾好味，正常。最喜歡係放喺檯上既菜莆，有辣味又爽口，加入個麵度，立即生色不少，加分。