有蒸氣 海鮮石鍋專門店 (Closed)

今晚同朋友嚟咗尖沙咀呢間蒸氣火鍋食晚飯，地方有啲偏僻要睇地圖先搵到。入到去楚位好闊落，裝修新淨，有電視睇。訂咗枱，去到個爐已經預備好，枱面放齊晒前菜，拍青瓜好味，花生正常。去到戲肉，一開始食蝦同蜆，兩樣都好新鮮彈牙，無沙。之後到鮑魚，好好味，食得出好新鮮，好腍。蠔好大隻，都係好新鮮。魷魚好爽口，加埋蒜蓉粉絲一流。豬肉丸墨魚丸大大粒。金銀蒜蒸勝瓜好食。最後食下面嗰粥，揀咗腐竹加雞，都幾清淡。總括而言，海鮮全部都好高質素，份量女仔食啱啱好，男仔可能要加其他嘢。