Video
Read full review
2010-12-21
195 views
今次係我第二次食鉄板燒， 第一次已經係好多年前o係旺角，感覺不太好， 因為好多人圍埋一張大枱，一個師父要同時serve 幾枱客， 好多時都係等等等。同埋食物質數一般， 周圍好大油煙。但今次好唔同， 環境大， 所有鉄板枱都間開，好似一間間房咁， 有番D 私人空間。而且抽風系統幾好， 唔會有好大油煙。order o左 "熊本2人套餐"： 日式沙律 生菜, 蕃茄, 青瓜好新鮮, 沙律醬酸酸地, 好開胃. 鵝肝魚子蒸蛋: 師父先將鵝肝煎香, 然幾放入半生熟o既蛋入面, 最後加入魚子, 時間o岩o岩好, 超滑呀 ~ 龍蝦: (一隻兩個人share)好新鮮, 師父一路煎, 龍蝦條尾仲係咁郁. 蝦頭d 糕攞出o黎整個汁, 蝦頭煎香用黎整湯.蝦身d肉煎得好爽, 好鮮甜. 鮮鮑魚 每人一只, 好鮮甜, 好爽口, 但咸o左少少, 但師父話無落鹽, 係鮑魚本身o既鮮味 ~ 蒜蓉包鵝肝 好味到無得彈, 蒜蓉包又香又脆, 鵝肝煎到外面脆, 裡面juicy, 一d 都唔騷, 但食完好"漏", 因為size 都唔細呢 雪花和牛香蒜薄燒卷 每人3塊, 5成熟, 剛剛好, 裡面包住d 炸香o左o既蒜片同
但今次好唔同， 環境大， 所有鉄板枱都間開，好似一間間房咁， 有番D 私人空間。
而且抽風系統幾好， 唔會有好大油煙。
order o左 "熊本2人套餐"：
日式沙律
生菜, 蕃茄, 青瓜好新鮮, 沙律醬酸酸地, 好開胃.
鵝肝魚子蒸蛋:
師父先將鵝肝煎香, 然幾放入半生熟o既蛋入面, 最後加入魚子, 時間o岩o岩好, 超滑呀 ~
龍蝦: (一隻兩個人share)
好新鮮, 師父一路煎, 龍蝦條尾仲係咁郁.
蝦頭d 糕攞出o黎整個汁, 蝦頭煎香用黎整湯.
蝦身d肉煎得好爽, 好鮮甜.
鮮鮑魚
每人一只, 好鮮甜, 好爽口, 但咸o左少少, 但師父話無落鹽, 係鮑魚本身o既鮮味 ~
蒜蓉包鵝肝
好味到無得彈, 蒜蓉包又香又脆, 鵝肝煎到外面脆, 裡面juicy, 一d 都唔騷, 但食完好"漏", 因為size 都唔細呢
雪花和牛香蒜薄燒卷
每人3塊, 5成熟, 剛剛好, 裡面包住d 炸香o左o既蒜片同蔥, 好好味.
煙肉魚子蝦仔炒飯
男友o係book 枱o既時候request 個炒飯整 hello kitty個樣, 都整得好似.
師父用飯整完kitty, 再表演雜技, 拋高隻雞蛋, 等佢跌落o黎o既時候插落去個鏟度, 再用佢流出o黎o既蛋黃寫"生日快樂"
好正呢 ~~
龍蝦頭湯
好普通o既清湯, 飲唔出龍蝦味
雪糕一杯
可選綠茶味 / 芝麻味
Post
