魚八日本料理 (Closed)

一入去只見到吧枱，以為間舖好細間，但原來有樓上，所以地方都唔細。叫咗照燒雞扒定食，奉送麵豉湯，。麵豉湯味道正常，小食揀咗三色刺身，三色刺身分別有甜蝦，三文魚同油甘魚。每件都肥美鮮甜。友人留意到一件價錢嘅趣事，$85嘅定食換成三色刺身只需+$3 ，但$88則要+$4，到底點解有呢個些微嘅差別？主食照燒雞扒同平時食嘅好唔同，唔係普通淋一層好濃嘅照燒汁，佢係真係醃完之後燒到層雞皮好薄，又能將肉汁鎖住，好好味，而家且份量都好慷慨，啖啖肉好滿足。旁邊嘅沙律菜清爽新鮮，麻醬，都幾開胃。