瘋鳥 (Closed)

難得去長沙灣，朋友話想試呢間收藏已久但未有機會去嘅cafe。我哋叫左以下食品：手沖咖啡見到餐牌上面有手沖咖啡，仲好認真咁提供埋每款咖啡豆嘅資訊，吸引到我想去試下。當落order嘅時候，更加令我印象深刻嘅係，佢哋嘅店員會主動了解我喜歡嘅咖啡類型，再介紹適合我嘅咖啡豆。其實除左餐牌上面嘅咖啡豆之外，佢哋仲有好多其他的。當日店員介紹左我嘅係一款台灣牌子叫做OKLAO嘅尼加拉瓜咖啡豆，味道好甘香，真係唔錯。佢哋響磨豆之前俾我聞下咖啡豆嘅香味，等我確認真係喜歡呢款先開始沖，睇得出佢哋好認真，真心想客人飲到啱佢哋嘅咖啡。唯獨美中不足嘅係，佢係用sake壼裝住啲咖啡，然後用sake杯飲的，個壼其實唔錯，可以令咖啡唔好凍得太快，主要係個杯太細，一整杯飲落去嘅分量都唔足以令人完全感受到嗰杯咖啡嘅味道，如果可以稍為大一點就好了。Latte朋友叫的，我無試飲，但佢話好飲鹽酥菇、三重芝士炸蝦pizza、麻糬窩夫以上三款食品，未至於去到令人回味，但都整得唔錯。通常我對cafe嘅食品都無乜期望，因為真係好少整得好食，但呢間店嘅食品係俾到我少少驚喜嘅。鹽酥菇味道唔錯，個漿唔算好厚，但再薄一點會更好。Pizza 正常