Eat Matters (Closed)

雞批同鴨批都好有質素！唔油膩！好足料！如果單係講食物質素，我係會再光顧嘅！不過，我想講呢間鋪頭啲服務真係唔得囉！你啲批已經唔係賣得平！自助形式我都接受到！用餐後要自己收拾枱面我都接受到！不過果位女職員啲態度真係有待改善。當我食完野將啲杯碟放返去櫃面嘅時候，果位女職員竟然同我講話紙巾果啲垃圾佢地係唔會處理！叫我自己帶走！我即刻呆咗一呆！我搵晒成間鋪頭你一個垃圾桶都冇！唔通我要拎住果幾舊垃圾紙巾出街搵垃圾桶去掉咗去？你至少係咪放個垃圾桶喺鋪頭比人去掉垃圾？你唔想去處理客人嘅垃圾咁點解你要去做飲食業呢？不知所謂！就算啲野食有幾好味都好！都唔會再有下次！簡直倒米！