復仇者餐館 (Closed)

今晚嚟中環搵嘢食，好彩有訂枱，因為侍應話今晚只招待預訂客人，所以大家想食記得訂枱。餐牌選擇唔多，仲要冇我想食嘅牛肉，但每一樣都好有特色，我揀咗慢煮豬腩肉，配一杯蜂蜜檸檬鐵觀音。豬腩肉食落唔油膩，亦都唔會又乾又硬，好軟身，亦都入味，配嘅沙律唔小氣，營養均衡，令人唔會有罪咎感。蜂蜜檸檬鐵觀音，鐵觀音味非常淡，唔係好飲到茶味，有啲失望。朋友嗌左蜆肉炒意粉，佢話好好味，我就聞到非常香， 十分吸引。我哋仲嗌左一碟卡邦尼炒腸粉，非常得意，卡邦尼汁做得濃郁，配港式腸粉好味又新奇。另外要注意呢度有隻狗，如果驚狗可能就要考慮下，如果愛狗，隻狗好得意㗎！以中環來講，我覺得呢間鋪頭食得過，起碼食物有啲質素，個價錢唔係淨係鋪租。