Video
Read full review
2015-10-07
1718 views
觀塘終於開放題喇！我地一齊去試啦！我記得果日honey係咁同我講。我心諗，觀塘都有唔少放題啦，但我就寧願出去旺角、尖沙咀食，起碼質素有保證吖！你知我啦，放題食咁多生野，如果唔夠新鮮好易瀨野架嘛！但今次honey叫到，點都要捨命陪君子嘅⋯⋯Book左星期日夜晚食，入到去個感覺，間餐廳好光猛，唔係一般的放題走既日本居酒屋風，暗暗黑黑咁，而且座位都好寬闊，唔會密質質郁都郁唔到。第一野梗係嗌番盆刺身先啦！嚟到時真係嘩左聲，原來而家刺身盆景都係濕濕碎，而家有埋噴煙既魚！我上次見既時候係食高級日本野既事啦，見到咁有心思，呢盆刺身加分！點左好多款刺身，款款都好新鮮，個人最喜愛係甜蝦、帶子，甜蝦鮮甜，肉質鮮嫩，而帶子唔會一開十，每粒帶子都好大好厚身，一啖咬落去勁滿足啊！其他刺身都勁鮮，未食哂即刻寫定下張啦！對住咁好味既野，胃口大開，款款都點左啲黎食，我唔寫哂全部，以下幾款我推介必食既：炸物類：芝麻雞翼就放題必食，炸蠔唔會有臭味，呢度仲有紫薯奶皇波波，正啊！見到呢度有簡直雙眼發光！咬落煙韌，奶皇香味夠哂出，最後我啪左4粒以上！燒物類： 推介燒羊架，唔蘇，又唔會燒得乾爭爭，夠juicy！平時唔會叫烏冬呀粥
觀塘終於開放題喇！我地一齊去試啦！
我記得果日honey係咁同我講。我心諗，觀塘都有唔少放題啦，但我就寧願出去旺角、尖沙咀食，起碼質素有保證吖！你知我啦，放題食咁多生野，如果唔夠新鮮好易瀨野架嘛！但今次honey叫到，點都要捨命陪君子嘅⋯⋯
Book左星期日夜晚食，入到去個感覺，間餐廳好光猛，唔係一般的放題走既日本居酒屋風，暗暗黑黑咁，而且座位都好寬闊，唔會密質質郁都郁唔到。
第一野梗係嗌番盆刺身先啦！嚟到時真係嘩左聲，原來而家刺身盆景都係濕濕碎，而家有埋噴煙既魚！我上次見既時候係食高級日本野既事啦，見到咁有心思，呢盆刺身加分！點左好多款刺身，款款都好新鮮，個人最喜愛係甜蝦、帶子，甜蝦鮮甜，肉質鮮嫩，而帶子唔會一開十，每粒帶子都好大好厚身，一啖咬落去勁滿足啊！其他刺身都勁鮮，未食哂即刻寫定下張啦！
對住咁好味既野，胃口大開，款款都點左啲黎食，我唔寫哂全部，以下幾款我推介必食既：
炸物類：芝麻雞翼就放題必食，炸蠔唔會有臭味，呢度仲有紫薯奶皇波波，正啊！見到呢度有簡直雙眼發光！咬落煙韌，奶皇香味夠哂出，最後我啪左4粒以上！
燒物類： 推介燒羊架，唔蘇，又唔會燒得乾爭爭，夠juicy！
平時唔會叫烏冬呀粥之類，覺得浪費quota，但今次嗌左蟹粥有驚喜！粥有淡淡蟹既甜味，仲有兩隻蟹鉗！正正正！
整體黎講，呢間係我心目中係達到放題既中上，下次諗唔到食乜，近近地會去呢度啊！
Post
