度 (Closed)

今日經過銅鑼灣，見到店頭細細地，差唔多坐滿人，質素應該OK喎，去試吓先！叫咗個溫泉蛋煙肉意粉，幾好味呀！雞蛋好香應該係日本版嚟嘅，意粉啱啱好唔會太硬，又唔會太遠又有口感，但係啲菜就少啲，如果多番些少沙律菜就更好啦，總括嚟講味道適中唔會太鹹，好似唔覺有味精，得閒可以再嚟試吓其他款式，見佢啲甜品都幾靚，但係今日食唔落啦，下次再嚟試吓先。同埋牆上面有好多油畫質素都幾靚，睇得出畫畫嘅人，好有心思！原來佢哋舖頭做埋姜濤430生日應援可以順便影相打卡。