Plato Cafe & Bistro (彌敦道) (Closed)

同一位朋友好耐冇見，想喺市區坐得舒服而食物有番咁上下既西餐廳，於是乎就試試Plato吧。我同朋友叫左兩個晚餐，諗住share嚟食。兩款晚餐都包飲品，餐湯同蒜蓉法包。隨餐的粟米湯飲得出唔係開粉，是用粟米打成的真材實料。Main Course選咗下面兩款:軟殼蟹黑松露意大利粉$178(跟餐）軟殼蟹炸得剛剛好，意粉都好Creamy 被黑松露醬汁包圍，同朋友share都夠食。BBQ燒豬仔骨配沙律及薯條$208（跟餐)待應端來時，都嚇了一驚，原來好大份🙈而且加埋薯條同配菜，真係食到飽晒。個人覺得依個豬仔骨好嫩滑，切開都好容易，沒有鞋什什的感覺。上面鋪上一層厚厚的燒烤醬，但食落好開胃，不會有膩的感覺。總括嚟講，食物質素中上，坐得舒服。會再返黎試下其他食物。