天香樓

Open Now

Now Closed

上星期去咗天香樓食晚飯，一行十幾人，試咗好多佢地嘅名菜，如龍井蝦仁、醉鴿、蟹粉翅、東坡肉、炸田雞腿、叫化雞、蟹粉撈麵等。 其實以經幾好食，但係今次慕名而來，所以都有啲失望！首先醉鴿太咸，再加上同埋個一様咁咸嘅醬鴨一齊上（菜單係佢寫嘅），所以我都唔知佢想點！東坡肉味道唔錯，但舊肉大到個盅都唔夠擺（問佢點解唔用個大啲嘅盅，佢竟然話呢啲係傳統），啲汁又浸唔晒舊肉，所以啲肉未食就以經乾晒。但係講到乾就一定唔夠隻叫化雞乾。扑開佢嘅時候聞到好香（但實在太似出前一丁五香牛肉麵嗰隻味），但係可能因為太熱嘅關係，啲煙不停咁噴，好地地一隻雞就咁就乾晒！我估可能要好似整西餐咁rest吓佢先扑開會好啲，又或者扑開後可以加啲麻油之類嘅嘢撈一撈先至serve。彈咗咁耐，但其實都有啲要讚嘅菜程式，最正嘅就算是田雞腿，外脆內嫩，再配上炸咗嘅梅菜鬆，簡直無得彈！最後直得一題嘅就係「後加」嘅蟹粉撈麵，啲蟹粉正就以經預咗，但難得啲麵都好正，軟硬適中，同埋以經撈咗啲唔知乜嘢汁，更加能突出蟹粉嘅鮮味！